உடுமலை வரலாற்று ஆய்வு நடுவம் - உடுமலை வரலாற்று ஆய்வுக்குழு

 உடுமலை வரலாற்று ஆய்வு நடுவம்  - உடுமலை வரலாற்று ஆய்வுக்குழு எனும் பெயரில் முனைவர் இந்திரசித்து அவர்களால்  கடந்த 2001 ல் பணிகள் தொடங்கப்பெற்றது. 2005 முதல் விருதுகள் வழங்கத் திட்டமிடப்பட்டாலும் 2013 முதலே நiமுறைப்படுத்தப்பட்டது. தமிழ்ச்சான்றோர் விருதுகள் எனும் பெயரில்  முனைவர் க.இந்திரசித்து, முனைவர் பொன்னரசரனார், ஓவியப்புலவர் அறவாழி ஆகியோருக்கு முதன் முதலாக தமிழ்ச்சான்றோர் விருதுகள் வழங்கப்பட்டது.  2014 ல்  புலவர் ஆறுமுகம் அவர்களுக்கு பாவேந்தப் பாக்குயில் எனும் பெயரில் விருது வழங்கப்பெற்றது. 2014 செப் 20 ல்  முனைவர் இந்திரசித்து எழுதிய தளி எத்தலப்ப மன்னர் அறிமுகம் எனும் நூல் வெளியிடப்பெற்றது.  2015 – சனவரி 15ல் சிறந்த ஆசிரியப்பெருமக்களை சிறப்பு செய்யும் வகையில்  பாரதியார் நூற்றாண்டு பெண்கள் பள்ளி ஆசிரியர் சிவகுமார், இராகல்பாவி தொடக்கப்பள்ளி ஆசிரியர் கண்ணபிரான் ஆகியோருக்கும் வரலாற்று ஆய்வு நடுவத்தின் சார்பில் விருதுகள் வழங்கப்பட்டது.  தேசிய நல்லாசிரியர் விருது பெற்றமைக்காக திரு. கு.சி. மணி அவர்களுக்கும் சிறப்பு விருது திருவள்ளுவர் திருக்கோட்டத்தில் வழங்கப்பட்டது. 

புலவர் அரங்கநாதன், புலவர் மருதமுத்து ஆகியோருக்கும் 2016 ல் தமிழ்ச்சான்றோர் விருது வழங்கப்பெற்றது.  2017 ல்  புலவர் கடவுள்இல்லை அவர்களுக்கு தமிழ்ச்சான்றோர் விருது வழங்கப்பெற்றது.  2018 ல்  முனைவர் ம.மதியழகனால் எழுதப்பெற்ற தென்கொங்கு நாட்டின் முதல் விடுதலைப்போர் எனும்  எத்தலப்பரின் வீர வரலாற்றையும், ஆண்ட்ரோ கேதீசு தூக்கிலிட்ட நிகழ்வினையும் விரிவாகப் பதிவு செய்து  மாண்புமிகு செய்தித்துறை அமைச்சர் மற்றும் கால்நடை துறை அமைச்சர்களால் வெளியீடு செய்யப்பெற்றது. 

கடந்த 2019 உடுமலை நகராட்சி நூற்றாண்டு விழாவிற்கு ரூபாய் 2 லட்சம் செலவில்  உடுமலை குட்டைத்திடலில் பிரமாண்ட மேடை அமைத்து உடுமலை 100 எனும் நூலும். புலவர்  புவியரசு அவர்களுக்கு தமிழ்;ச்சான்றோர் விருதும் வழங்கப்பெற்றது. கிராமியக் கலைநிகழ்ச்சிகளும் நடத்தப்பெற்றது.   கடந்த 2020  சனவரி 21 இல்  மரபுக்கவிஞர் பிறைசூடிப்பித்தன் அவர்களுக்கு தமிழ்ச்சான்றோர் விருது வழங்கப்பெற்றது.  2021 ல் உடுமலையில் வரலாற்றை ஆவணப்படுத்தி வெளியிடும் வகையில்  சன.9 ல் உடுமலை வரலாறு எனும் சமூகப்பெரு நூல் வெளியிடப்பட்டது. சூலூர் வரலாறு எழுதிய புலவர் கவுதமன் அவர்களுக்கு தமிழ்ச்சான்றோர் விருதும் வழங்கப்பட்டது. மொழியரசி பர்வீன் சுல்தானா சிறப்பு விருந்தினராகக் கலந்து கொண்டு சிறப்புரையாற்றினார். 2021 மார்ச்  7 ல் அப்போதைய உடுமலை வருவாய் கோட்டாட்சியர் எழுத்தாளர் ஆண்டன்பெனிக்கு உடுமலை நாராயணகவி இலக்கிய விருது வழங்கப்பெற்றது.  ஏப்ரல் 11 ல் முன்னாள் துணைவேந்தர் ப.க.பொன்னுசாமி அவர்களுக்கு தமிழ்ச்சான்றோர் விருது வழங்கப் பெற்றது. உடுமலை வரலாறு வெளியிட்டமைக்கு துணைவேந்தர் பாராட்டி நினைவுப்பரிசு வழங்கினார். 

2022  ஏப்ரல் 16 ல் உடுமலை மடத்துக்குளம் பொள்ளாச்சி ஆனைமலை பகுதிகளில் உள்ள புராதனக்கல்வெட்டுகளைத் தொகுத்து  தென்கொங்கின் தொன்மங்கள் எனும் தொல்லியல் வரலாற்று நூல் வெளியிடப்பெற்றது. இதற்கு  உலகத்தமிழ் மரபு அறக்கட்டளையின் நிறுவனர் ஜெர்மனி சுபாஷினி அவர்கள் கலந்து கொண்டு சிறப்பித்தார். முனைவர் சுபாஷினிக்கு – தமிழ்ச்சான்றோர் விருதும் வழங்கப்பட்டது. 

2022 ஆகஸ்ட் 15 ல் இந்திய விடுதலையின் 75 ஆவது பளள விழா ஆண்டினை  முன்னிட்டு தளி எத்தலப்பர் தூக்கிலிட்ட நிகழ்வினை அலங்கார ஊர்தியாக உடுமலை வீதிகளில் வலம் வரச்செய்து மக்களிடையே மிகு;நத வரவேற்பினைப் பெற்றது. மேலும், உடுமலை அரசு கலைக்கல்லூரியிலும், ஜிவிஜி மகளிர் கலைக்கல்லூரியிலும், உடுமலை நகராட்சி வளாக அலுவலகத்திலும் உடுமலை வரலாறு புகைப்படக்கண்காட்சியும் நிகழ்த்தப்பெற்றது. 

கடந்த 2023 சனவரி 21 ல்; கதைசொல்லி பவா செல்லதுரை அவர்களை உடுமலை வரவழைத்து  குட்டைத்திடலில் நிகழ்வு நடத்தப்பெற்று தமிழ்ச்சான்றோர் விருது வழங்கப்பெற்றது.

இது மட்டுமல்லாமல்  பெரியகோட்டை ஊராட்சி அய்யலு மீனாட்சி நகரில் திருவள்ளுவர் கற்சிலையினை கடந்த 2002 ல் அமைக்கப்பட்டது. தென்சேரிமலை முத்துசிவராமசாமி அவர்களால்  சமூகத்திற்கு அர்ப்பணிக்கப்பட்டது.  2013 முதல் தமிழ்ச்சான்றோர் விருது வழங்குவது போல் 2015 முதல் உடுமலை மடத்துக்குளம் குடிமங்கலம் பகுதிகளில் உள்ள பத்தாம் வகுப்பு  12 ஆம் வகுப்பில்  தமிழ் மொழிப்பாடத்தில் முதல் மதிப்பெண் பெற்ற மாணவச்செல்வங்களுக்கு நினைவுப்பரிசுகள் வழங்கப்பட்டு வருகிறது. இதனுடன் அரசுபள்ளிகளுக்கு திருவள்ளுவர் சிலையினையும் வழங்கி வருகிறது. இதுவரை 32 சிலைகள் வழங்கப்பட்டுள்ளது.  350 க்கும் மேற்பட்ட மாணவச் செல்வங்களுக்கு நினைவுப்பரிசுகள் வழங்கப்பட்டுள்ளது. 

இதுமட்டுமல்லாமல் திருவள்ளுவர் திருக்கோட்டத்தினை சிவசக்தி காலனி அரசு உயர்நிலைப்பள்ளி மாணவர்கள்  செயல்திட்ட அறிக்கை எனும் பெயரில் ஒருஆய்வேடாக தயார் செய்து மாவட்ட முதன்மைக் கல்வி அலுவலருக்கும் மாவட்ட ஆட்சியருக்கும் சமர்ப்பிக்கப்பட்டது. மேலும், உடுமலை வரலாற்று ஆய்வு நடுவத்தினை  உடுமலை அரசு கலைக்கல்லூரியில் முனைவர் ம.மதியழகன் வழிகாட்டுதலில் சௌமியா எனும் முதுகலை அரசியல் அறிவியல் மாணவி 100 பக்க அளவில் ஆய்வேடாகத் தயாரித்து பாரதியார் பல்கலைக்கழகத்திற்கு சமர்பித்து சிறப்புப்பரிசினையும் பெற்றுள்ளார்.

இது மட்டுமல்லாமல்  தென்கொங்கு நாட்டின் முதல் விடுதலைப்போர் எனும் நூலினை பாரதியார் பல்கலைக்கழகம் வரலாற்றுத்துறை தம் பல்கலைக்கழக ஆய்வாக தமிழக ஆளுநர் திரு. ரவி அவர்களின் சிறப்பு ஒப்புதல் பெறப்பட்டு சிறப்பு ஆய்வாக நடைபெற்று வருகிறது.

மேலும், உடுமலை நாராயண கவி இலக்கிய விருது எனும் பெயரில் வழக்கறிஞர் அருள்மொழி. எழுத்தாளர் முத்துநாகு,  எழுத்தாளர் கீரனூர் ஜாகீர் ராஜா,  மேற்குத்தொடர்ச்சி மலை திரைப்பட இயக்குநர் லெனின்பாரதி, ஒளிப்பதிவாளர் தேனி ஈஸ்வர், அரண்மனை சுப்பு ஆகியோருக்கும். யாத்திசை எனும் வரலாற்றுத் திரைப்படத்தின்  இயக்குநர் ராஜேந்திரன் மற்றும் கலைஞர்களுக்கும்  உடுமலை நாராயணகவி இலக்கிய விருது வழங்கப்பெற்றது. 

மேலும் கடந்த 2016 ல்  உடுமலை நாராயண கவி பிறந்த நாளில் இலக்கியப்போட்டிகள் இதுவரைக்கும் 150 க்கும் மேற்பட்ட பள்ளி கல்லூரி மாணாக்கர்களுக்கு பரிசும் சான்றிதழும் வழங்கப்படுகிறது. 2019 ஆம் ஆண்டு வரலாற்று ஆய்வு நடுவம் அறக்கட்டளையாகவும், சங்கமாகவும் பதிவு செய்யப்பட்டது. 

மேலும் இதுமட்டுமல்லாமல் உடுமலை, மடத்துக்குளம், குடிமங்கலம் பகுதிகளில்  உள்ள 175 க்கும் மேற்பட்ட தொல்லியல் சின்னங்களை ஆவணப்படுத்தி அதை முறையாக தொல்லியல் துறைக்கும், தினசரி செ;யதித்தாள்களுக்கும் அனுப்பி பதிவு செய்தும், பொதுமக்களுக்கும் அரசு துறை அதிகாரிகளுக்கும் தெரியப்படுத்தும் பணிகளைத் தொடர்ந்து செய்து வருகிறோம். 

2023 நவம்பர் 24 ஆம்நாள் வரலாற்றுச் சிறப்புமிக்க கொழுமம் வீரசோழீஸ்வரர் திருக்கோயில் உள்ள கல்வெட்டுகளை ஆவணப்படுத்தித் திருக்குட நன்னீராட்டு விழாவில் கோவை கௌமார மடாலய சீர்வளர்திரு  குமரகுருபர சுவாமிகள் வெளியிட கற்பகம் பல்கலைக்கழகங்களின் வேந்தர் முனைவர் சிவனருட்செல்வர் இராச. வசந்தகுமார், உடுமலை அருள்மிகு மாரியம்மன் கோயில் அறங்காவலர் திரு.யு.எஸ்.எஸ்.ஸ்ரீதர், உடுமலை மக்கள் பேரவையின் தலைவர் திரு. யு.கே.பி.முத்துக்குமாரசாமி. பொள்ளாச்சி நாடாளுமன்ற உறுப்பினர் மதிப்புமிகு கு.சண்முகசுந்தரம் ஆகியோரும் பெற்றுக்கொண்டனர். 

இதன் தலைவராக திரு. தி. குமாரராஜா அவர்களும், கௌரவத் தலைவராக  திரு.யு.கே.பி.முத்துக்குமாரசாமி, திரு.கு.சண்முகசுந்தரம் பி.ஈ.(பாராளுமான்ற உறுப்பினர்) அவர்களும்,  செயலாளராக வி.கே.சிவகுமார், பொருளாளர் இல.அ.அருட்செல்வன், துணைத்தலைவர் வி.கே.செல்வராஜ், சி.ராஜசுந்தரம், துணைச்செயலாளர்கள் செ.ராபின், ப.அருள்கணேசன்,  மதிப்பியல் தலைவர்களாக முனைவர் ம.மதியழகன், முனைவர். வை. விஜயலட்சுமி, முனைவர். த.ஹேனாஷெர்லி, முனைவர். சுப.முனியப்பன், திரு. க.கிருஷ்ணமூர்த்தி, திரு.ப.மு.அகமது (ஊரக வளர்ச்சி உதவி இயக்குநர்,பணி நிறைவு) வழக்கறிஞர் மு.சத்தியவாணி ஆகியோரும் இணைந்து செயல்பட்டு வருகின்றனர். சட்ட ஆலோசகர்களாக வழக்கறிஞர் முருகராஜ், வழக்கறிஞர் செ.சரவணன் ஆகியோரும் உள்ளனர். கல்வெட்டுகளை படித்து ஆவணப்படுத்த  தமிழ்நாடு சுவடிகள் துறை ஒருங்கிணைப்பாளர் முனைவர் சசிகலா உடனிருக்கின்றார்.