விடுதலைப்போரில் வீரத்தலைமகன் - தளி எத்தலப்ப மன்னர்

விடுதலைப்போரில்  வீரத்தலைமகன் - தளி எத்தலப்ப மன்னர்

தோற்றுவாய் 

தளி என்ற ஊர் கோயம்புத்தூர் மாவட்டம், உடுமலைப்பேட்டை வட்டத்தில் உள்ளது. இவ்வூர் 72 பாளையங்களில் ஒன்றாகும். எத்தலப்ப வம்சத்தினர் இவ்வூரில்  கோட்டைகள் கட்டி ஆண்டு வந்தனர். இவர்களைப்பற்றிய குறிப்புகள்  பின்வருமாறு: 

ஆதி முதல் பெனுகொண்ட விலிருந்து அதி வீரக்கம்பளம்  சோதி எனும் கயிலைகிரி வல்லக்கொண்ட சாமி பதம்  அனுதினமும் தொழுது போற்றி, மாதம் மும்மாரி பெய்து விளைவே பொங்க மகிழ்ச்சி உடனே விளங்கி வளரும் யோக நீதி முறை தவறாதபேர் என்னும் நிலைமை பெரும் கம்பளத்து நிபுணர்தானே! 

தளி  எத்தலப்பரின் எல்லைகளாக நாட்டுப்புற வழக்காறுகளில் கதைப்பாடல்களாகக் கூறப்படுகிறது. இதனை, 

நல்லாறு அக்கா தங்கச்சி மலைக்கு மேற்கு,

குடமுருட்டி சீத்தக்கல்லுக்கும் கிழக்கு

தாளவாய்பேட்டை கரைக்கும் தெற்கு 

முதுவார் சீமை எல்லைக்கும் வடக்கு

இந்தப் பகுதிகளுக்குட்பட்ட கிழமேல் பத்து நாளிகைகளிலும், தென் வடல் நாலு காத வழிகளையும் அளவுகளாகக் கொண்டு நான்கு பங்கு பூமிக்கும் பாளையக்காரராக நியமிக்கப்பட்டார். 

தளி  எத்தலப்பனின் முன்னோர்கள்  வல்லவர்களாகவும், எதிராளிகளைத் திணறடிக்கும்   வித்தைகளில் சிறந்தவர்களாகவும் எப்பேர்ப்பட்டவர்களையும் அடக்குவதில் தீரர்களாகவும் விளங்கினர்.  இவ் வம்சத்தில் கடைசியாக ஆட்சி செய்த மலையாண்டி வெங்கிடுபதி எத்தலப்பன் மற்றும் அவரது சகோதரர் குமராண்டி வெங்கிடுபதி எத்தலப்பன் ஆகியோர் ஆங்கிலேயர்களால் தூக்கிலிடப்பட்டனர். எத்தலப்பனை ஆங்கில வரலாற்று ஏடுகளில் 'யாதுல்' நாயக்கர்  எனவும் 'எட்டி' நாயக்கர்  எனவும் குறிப்பிடப்படுகிறது. 

இவர்கள் தெய்வ  பக்தி உடையவர்கள். சக்கதேவி கோவில், கோட்டை மாரியம்மன் கோவில், விநாயகர் கோவில், கோட்டைப்பெருமாள் கோவில் முதலான கோவில்களை அமைத்து மராமரத்துப் பணிகளைச் செய்தனர். இவர்கள் எதிரிகளுக்கு முன்னால் ஆயிரம் பேர் நிற்பது போலத்தோற்றம் ஏற்படுத்தி எதிரிகளை நிலைகுலையச் செய்வர். துப்பாக்கிக் குண்டுகள்  தங்களின் மீது படாமல் செய்து குண்டுகளை வெடிக்கச் செய்வதில் வல்லவர்கள் எனவும் கூறுவர். 

இவர்கள் அனைத்து சமுதாய மக்கள் மதிக்கும் வண்ணம் இறைவனுக்கு பூசை வழிபாடுகள் நடந்தேற நிலங்களை மானியமாக வழங்கியுள்ளனர். திருமூர்த்தி நகரில் வீரமாத்தியம்மன் கோயிலுக்கு அருகில் 'குளத்துக்காடு' என்ற குளத்தைத் தங்களின்  உபயோகத்திற்கு வைத்திருந்தனர்.

தளி  எத்தலப்பரின் குடும்பம் 

எத்தலப்பன் தகப்பனார் பெயர் மலையாண்டி வெங்கிடபதி  குலசேகர எத்தலப்பன். தாயார் பெயர் கமலத்தாய். மனைவி பெயர் வீரகாட்டம்மாள்.தளி பெரிய பாளையமாதலால் சிறிய பாளையங்கள் தளிக்கு வரிகள் செலுத்தி வந்தன.

தளி யாதுல நாயக்கர், ஆங்கிலேயரை எதிர்ப்போரை தனது நண்பர்களாகக் கொண்டிருந்தனர். வீரபாண்டிய கட்டபொம்மன், ஊமைத்துரை, திப்பு சுல்தான், மைசூர் கிருஷ்ணப்ப  நாயக்கர், விருப்பாச்சி கோபால  நாயக்கர்,  மணப்பாறை இலட்சுமி நாயக்கர் கேரள வர்மன், துண்டாஜி வாக் முதலானோருடன்  நேரடி தொடர்பு வைத்திருந்தார்.

சான்று பகரும் ஆவணம் 

யாதுல  நாயக்கரும் விருப்பாட்சி  கோபால நாயக்கரும் கன்னட நாட்டுடன் நெருங்கிய கூட்டணியை ஏற்படுத்திக்கொண்டனர். இதைப்பின்வரும் ஆங்கிலேய ஆவணம் உறுதிப் படுத்துகிறது. 

லுயனரட யேலயம ழக னுநடாi றாi றயள யடடநைன றiவா புழியட யேலயம கழபநன றiவா வாந iளெiபாவள ழக மயnயெனய யெனர.

1797 ல் தளி யாதுல நாயக்கரும் மணப்பாறை இலட்சுமிநாயக்கரும் தங்களுக்குள் நெருக்கமான இணைப்பை ஏற்படுத்திக்கொண்டனர். இதுவே திண்டுக்கல் கூட்டணிக்குக் கருவாக அமைந்தது. 

ஐn 1797 hந நளவயடிடiளாநன ய உடழளந யடடயைnஉந றiவா டயமளாஅi யெலயம ழக ஆயnயியசயi யனெ லுயனரட யேலயம ழக னுநடாi. வுhளை கழசஅநன வாந ரெஉடநரள ழக னiனெரபரட டநரபரந. (ஐடினை ஆயசஉh 1797இ Pசழஉநநனiபௌ ஏழட.223.P.2844)

திண்டுக்கல் கூட்டணி

திண்டுக்கல் கூட்டணித்தலைவர் கோபால் நாயக்கர் தனது பிரதிநிதி சோமநாத பிள்ளையைத் தளிக்கு அனுப்பி வைத்து ஆங்கிலேயரை எதிர்த்துப்போரிடுவது சம்பந்தமாக சில முக்கியமான தகவல்களைத் தெரிவித்தார். மங்கலம் பாளையக்காரர் தளிக்கு வந்து இவர்களுடன் கூட்டணியில் இணைந்தார். திண்டுக்கல் கூட்டணியில் தேவதானப்பட்டி பூசாரிநாயக்கர், தாராபுரம், காங்கேயம், கொழுமம், சங்ககிரி, கரூர், கன்னிவாடி, ரத்தினகிரி, நத்தம், மணப்பாறை, கடவூர், இடையகோட்டை, இராமகிரி, பெரியபட்டி, மெட்ராத்தி, மைவாடி, துங்காவி, தொண்டாமுத்தூர், தணிகைவாடி,அயோத்திபட்டி, வேதம்பட்டி, சோமன்துரை பாளையக்காரர்களும் இணைந்தனர். 

இவர்கள் மைசூர் மன்னர் திப்புசுல்தானைச் சந்தித்து இராணுவ  உதவி பெறவும், ஆங்கிலேயரை எதிர்க்கவும் ஆலோசனை செய்தனர். கோபால் நாயக்கர் பிரிட்டிசாருக்கு எதிராகப்போராட்ட ஏற்பாடுகளைச் செய்தார். சுதந்திர தாகம் கொண்ட குடிகளும், மற்ற தலைவர்களுக்கும் இது நம்பிக்கையை ஏற்படுத்தியது என சென்னை வருவாய் வாரியக் குறிப்பேடுகள் தெரிவிக்கின்றது. 

தீபகற்பக் கூட்டணி

விருப்பாட்சி கோபால நாயக்கர்,  மணப்பாறை லட்சுமி நாயக்கர்,  தீரன் சின்னமலை, தளி எத்தலப்பர் மற்றும் முன்னணித் தலைவர்களுடன் தீபகற்பக் கூட்டணி அமைக்கப்பட்டது. இது 1801 சூன் 3 கோவைப் புரட்சியை அடிப்படையாகக்கொண்டது. இதற்கு   தளி எத்தலப்பரே முன்னிலை வகித்தார்.  இது தளிஞ்சிக் காடுகளில்  ஒத்திகையும் மேற்கொள்ளப் பட்டது.  வடக்கிருந்து துண்டாஜி வாக்கின் வருகை தாமதமானதால் புரட்சித்திட்டம் தோல்வி யடைந்தது.  இதனை மறு முனையில்  வெற்றிகரமாக இயக்க வைத்த பெருமை தளி எத்தலப்பரையே சாரும்.

முன்னணி படைவீரர்கள் அனைவரும் ஆங்கிலேயக் கும்பெனி வசம் சிக்கிக்கொண்ட நிலையில் தளி எத்தலப்பர் மட்டும் இறுதிவரையில் ஆங்கிலேயர் கைகளில் சிக்காமல்  மறைவு வாழ்க்கையே மேற்கொண்டார்.  1801 ஏப்ரல்  23 ஆம் நாள் ஆண்ட்ரோ கேதீசு எனும் ஆங்கிலேய அதிகாரி தூக்கிலிட்ட பிறகும் கூட அவர் வெளியே வரவில்லை.

செயல்படுத்துதல் மற்றும் செயல்பாடுகளிலும் தன் தீவிரத்தைச் சிறிதும் குறையாமல் குறைக்காமல் இறுதி வரைக்கும் எதிர்த்தே வாழ்ந்து மறைந்தார் தளி எத்தலப்பர்.

தளியில், கோபால் நாயக்கர் தகவல்  தொடர்புகளுக்காக தனது பிரதிநிதியாக சோமநாத பிள்ளையை நியமனம் செய்தார். மற்ற பகுதிகளைச் சேர்ந்த தலைவர்களும் ஆங்கிலேயரை எதிர்க்க வேண்டும் என்ற பொதுவான நோக்கத்திற்காகத் திரண்டனர். இவர்கள் தங்களின் பிரதிநிதிகளாகத் தங்களின் வக்கீல்களை நியமனம் செய்தனர். இவர்கள் விருப்பாட்சியில் தங்கியிருந்து தகவல்களைப் பெற்று தங்கள் தலைவர்களுக்குத் தெரிவித்தனர்.  ஒன்றிணைந்த தலைவர்களின் பிரதிநிதியாக ஆறுமுகம் சேர்வைக்காரர் விருப்பாட்சி, கடவூர் இடையகோட்டைக்குச் சென்று தகவல்களைத் தெரிவித்தார். பாளையத் தலைவர்கள் ஒருவரையொருவர்  சந்தித்துக் கொண்டதுடன் இலட்சுமி நாயக்கருடன் ஆலோசனை செய்தனர். 

பாளையக்காரர்களின் செய்திகளைக்கூறவும் இராணுவ உதவிகளைப் பெறவும், திப்பு சுல்தானிடம் மணப்பாறை இலட்சுமி நாயக்கர் தூதராகச் சென்றார். 1799 ஏப்ரல்  4ல் திப்பு சுல்தானைச் சந்தித்துப்  பரிசுப்பொருட்களுடன் திரும்பினார். 

யாதுல (எட்டி) நாயக்கர் இந்த தீபகற்பக்கூட்டணி பலமான இயக்கமாக ஆகப்பாடுபட்டார். இவர் கன்னடப்போராளிகளுடன் தொடர்பு ஏற்படுத்திக்கொண்டார். மருதுபாண்டியரும். கோபால் நாயக்கரும் தங்களின் புரட்சிக்குழுக்களை ஒரு பொதுவான அமைப்பில்  இணைத்துக் கொண்டனர். 

தமிழ்நாட்டில்  புரட்சியாளர்களின் ஒருங்கிணைப்புக்கு இந்த முக்கியமான நடவடிக்கை  போராளிகளின் ஒருங்கிணைப்பை அதிகரிக்கச் செய்தது.  ஆங்கிலேயர் 1799 அக்டோபர் 16 ல் வீரபாண்டிய கட்டபொம்மனை தூக்கிலிட்டதை அறிந்த தளி யாதுல நாயக்கர் மிகவும் வருத்தப்பட்டார். இதற்குப் பழி தீர்க்க வேண்டுமெனத் தீர்மானித்தார். பாளையங்கோட்டையில் சிறை வைக்கப்பட்டுள்ள ஊமைத்துரையையும், செவத்தையாவையும் விடுதலை செய்ய விருப்பாட்சி கோபால் நாயக்கருடன் ஆலோசனைசெய்தார். இவர்கள் பாஞ்சாலங் குறிச்சிப் போராளிளுக்கு ஊமைத்துரையை விடுதலை  செய்ய ஆதரவு அளித்தனர்.

திட்டமிடுதலும் செயல்படுதலும் 

ஊமைத்துரை விடுதலை ஆன பிறகும், அவன் பாஞ்சாலங் குறிச்சியில் நடத்திய போருக்கு தளி யாதுல நாயக்கர் படை வீரர்களை அனுப்பி ஊமைத்துரைக்கு ஆதரவு அளித்தார். அதன் பிறகு தளி பகுதியில்  போர்  தொடருவதற்கான சூழ்நிலை  ஏற்பட்டது.  தளி அரண்மனைக்கு வந்து வரி கட்டவேண்டும் என்று ஆணவத்துடன் கேட்ட ஆங்கிலேய  அதிகாரியைக் கைது செய்து தூக்கிலிடுமாறு ஆணையிட்டார். 

ஆங்கிலேயப்படை தளபதி இன்னிஸ்  துரை பாய்ச்சலூரில்  இருந்த புரட்சியாளர்களை விரட்டினார். இன்னிஸ் 1801 ஏப்ரல் 8 ல் விருப்பாட்சி திரும்பினான். இன்னிஸ் விருப்பாட்சி அருகில் உள்ள மலைகளில் புரட்சியாளர்கள் இருப்பதை அறிந்து கொண்டார். லெப்டிணென்ட் 'பிரைத்' என்பவனை பொள்ளாச்சிக்குப் படையுடன் அனுப்பி வைத்தான்.  அவன் அங்கிருந்த ஆனைமலை கோட்டை மற்றும் தளி கோட்டைக்கு மேல்புறம் உள்ள குன்றுப் பகுதிகளுக்குச் செல்லுமாறு படை வீரர்களுக்கு உத்தரவிட்டு  தப்பிச் சென்றவர்களில்   வழிகளைத் துண்டிக்குமாறு  கூறினான். 

ஆங்கிலேயனின் உத்தரவு 

இதன் பிறகு 1801 ஏப்ரல் 9 ல் யாதுல நாயக்கர் தன்னை வந்து பார்க்குமாறு  இன்னஸ் கூறினார்.  ஆனால் புரட்சித்தலைவனான யாதுல  நாயக்கர் மறுத்துவிட்டார்.  அதன் பிறகு இன்னஸ்  துரை கீழ்க்காணும் எச்சரிக்கை செய்தி ஒன்றை அனுப்பினார்.

'கீழ்ப்படிதல்  மூலமாக  உங்களையும், உங்கள் குடும்பத்தாரையும் அழிவிலிருந்தும் அவமானத்திலிருந்தும் காப்பாற்றிக்கொள்ளலாம், இன்னும் காலமிருக்கிறது.  கீழ் படிய மறுத்தால் பேரழிவு ஏற்படும். உன்னுடைய பாதையைத் தேர்ந்தெடுப்பதற்கு முன்னால் நன்கு யோசி. விழக்கூடிய ஒவ்வொரு சொட்டு ரத்தமும் உன் தலையிலேயே விழும்' என்றார். 

உறுதியாக புரட்சியாளரான யாதுல நாயக்கர் சரணடைய மறுத்துவிட்டார்.

'லுழர hயஎந ளவடைட வiஅந வழ ளயஎந லழரசளநடக யனெ கயஅடைல கசழஅ சரiளெ யனெ னளைபசயஉந டில ழடிநனநைnஉந. டீரவ டில ழடிநனநைnஉந நஎநசல அளைகழசவரநெ றடைட யவவநனெ லழர. ஊழளெனைநச றநடட டிநகழசந லழர அயமந உhழiஉந. நுஎநசல னசழி ழக டிடழழன வாயவ கயடடள றடைட டிந  ழn லழரச hநயன.' யு னநவநசஅiநென சநடிநட யள hந றயள லுயனரட யேலயம  சநஅiநென  ளவநயன கயளவ வழ வாந உழகெநனநசயவந உயரளந.

உறுதியாக நம்பிக்கையுடன் புரட்சியாளரான யாதுல நாயக்கர் ஆங்கிலேயரை எதிர்த்து விரட்டியடிக்க  வேண்டும் என்ற பொதுவான  லட்சியத்தில்   உறுதியாக நின்றார்.  1801 ஏப்ரல்   12 ஆம் நாள்  மாலையில்  தளிப்போர் நடைபெற்றுள்ளது. தளிக்கோட்டை தகர்த்து நொறுக்கப்பட்டது. ஆனைமலைக் கோட்டைப் பகுதியில் இருந்த பிரைத் தலைமையில்  போர் நடைபெற்றது. ஏப்ரல் 13  ல் புரட்சியாளர்கள் தங்கியிருந்த குன்றின் பகுதிகளைக் கண்டறிந்து அதன் அடிவாரத்தை அடைந்தான். யாதுல நாயக்கர் தலைமையில்  ஆன புரட்சிப்படை எதிரிகளைத் தாக்கியது.  பித்தளையால் ஆன 3 பவுண்டு பீரங்கிகளுடன்  புரட்சியாளர்கள் தாக்கினர். இருப்பினும் யாதுல் நாயக்கரில் முயற்சிகள் ஆங்கிலேயர் முன் பயனற்றுப்  போயின.  அதன் பின்னர் நடந்த மோதல்களில்  ஏற்பட்ட கடுமையான இழப்புகளுக்குப் பிறகு போராளிகள் காடுகளுக்குள் பின் வாங்கிச் சென்றனர். அதன்பின்னர் ஆங்கிலேயர் ஜல்லிபட்டி (மஞ்சநாயக்கன்பட்டி), தொண்டாமுத்தூரைத் தாக்கிக் கைப்பற்றினர். போரில்  தோற்றவர்கள் சிதறுண்டு போனார்கள். மலையில் தங்கி பிரிட்டிசாரை எதிர்த்த யாதுல் நாயக்கர் ஆண்டியம்மா, பெரியபட்டி நாகம நாயக்கர் ஆகியோர் உட்பட பலர் மலைக்காய்ச்சல் தாக்கப்பட்டு மலையிலேயே இறந்தனர். 

எத்தலப்பன் குடும்பம்

  ஃ

மலையாண்டி வெங்கிடபதி (குணசேகர எத்தலப்பன் பூபதி (கணவன்)

கமலத்தாயி  (மனைவி)

    ஃ                               ஃ

மலையாண்டி வெங்கிடபதி குமராண்டி வெங்கிடபதி

    எத்தலப்பன் (முதல் மகன்)         எத்தலப்பன் (இரண்டாவது மகன்)

வீரகட்டம்மாள்  (மருமகள்) குழந்தையம்மாள் (மருமகள்)

தளி எத்தலப்பன் பிறங்கடையினர் (வாரிசுகள்) 17பேர் தளிப் பாளையத்தை ஆட்சிசெய்து வந்துள்ளனர். அவர்களின் பட்டியல் பின்வருமாறு ஆவணங்களில் கூறப்பட்டுள்ளது.

1. எத்துல முத்தப்ப நாயக்கர்

2. காட்டாண்டி எத்தலப்ப நாயக்கர்

3. குறிச்சி ஆண்டி எத்தலப்ப நாயக்கர்

4. குண்டாண்டி எத்தலப்ப நாயக்கர்

5. பெரிய மலையாண்டி எத்தலப்ப நாயக்கர்

6. குமராண்டி எத்தலப்ப நாயக்கர்

7. ஆவி (ஆயன்) எத்தலப்ப நாயக்கர்

8. வெங்கிடபதி எத்தலப்ப நாயக்கர்

9. சின்ன வெங்கிடுபதி எத்தலப்ப நாயக்கர்

10. முத்து மலையாண்டி எத்தலப்ப நாயக்கர்

11. மலையாண்டி வெங்கிடபதி எத்தலப்ப நாயக்கர்

12. பொன்னு மலையாண்டி எத்தலப்ப நாயக்கர்

13. மலையாண்டி எத்தலப்ப நாயக்கர்

14. கணக்கா மலையாண்டி எத்தலப்ப நாயக்கர்

15. கமலாண்டி எத்தலப்ப நாயக்கர்

16. மலையாண்டி வெங்கிடுபதி எத்தலப்ப நாயக்கர்

17. மலையாண்டி வெங்கிடுபதி எத்தலப்ப நாயக்கர்

தம்பி குமராண்டி வெங்கிடுபதி  எத்தலப்ப நாயக்கர்

தளி எத்தலப்ப மன்னரின் தந்தை ஆண்டுவந்த சல்லிப்பட்டிப் பாளையத்தில் பின்வரும் இருபத்தொரு தலைமுறையினர் ஆண்டுவந்தனர்.

1. எரம நாயக்கன்

2. சம்பாள நாயக்கன்

3. சக சம்பாள நாயக்கன்

4. மயிலப்பன நாயக்கன்

5. குறிச்சி நாயக்கன்

6. கதிர் நாயக்கன்

7. கணக்காண்டி நாயக்கன்

8. இரண வீராண்டி நாயக்கன்

9. அமணாண்டி நாயக்கன்

10. சல்லிவீரப்ப நாயக்கன்

11. கும்ம நாயக்கன்

12. பெரிய மலையாண்டி நாயக்கன்

13. இராமலிங்க மலையாண்டி நாயக்கன்

14. சின்ன மலையாண்டி நாயக்கன்

15. அமணலிங்கம நாயக்கன்

16. இலிங்காண்டி நாயக்கன்

17. நல்லமுத்து நாயக்கன்

18. அமணான்டி நாயக்கன்

19. வேங்கடபதி நாயக்கன்

20. இரங்கப்ப நாயக்கன்

21. பெரிய நல்லமுத்து நாயக்கன்

தளிபாளையம்அவருடைய மூதாதையர்கள் 1400 க்குப் பிறகு தளிபாளையப்பட்டுபகுதிஎத்தலப்பரின் முன்னோர் கட்டுப்பாட்டில் இருந்தது.   இந்த வம்சாவழியில் வந்தமன்னர் கடைசிமன்னர்தான் தளி எத்தலப்பமன்னர். தளிஎத்தலப்பமன்னர் இவர் திப்புசுல்தானின் ஆலோசனையின் பேரில் ஆங்கிலேயரையும் ஆங்கிலேயப்படைகளையும எதிர்க்கப் பட்டியலின தாழ்த்தப்பட்ட குடிகளோடு இசுலாமிய படை வீரர்களையும் சேர்த்துக் கொண்டு ஆங்கிலக்கிழக்கிந்திய நிர்வாகத்தை எதிர்க்க வீரம் சார்ந்த மக்கள் படையையும் அறிவுசார்ந்த புரட்சிப்படையையும் உருவாக்கி உள்ளார். ஆங்கிலேயர்கள் தங்களது நாட்குறிப்பில் யாதுலநாயக்கர்,எட்டிநாயக்கர் என்றும் இவரைப் பற்றிக் குறிப்பிட்டுள்ளனர்.

எத்தலப்பன்  தகப்பனார் மலையாண்டிவெங்கிடுபதிகுணசேகரஎத்தலப்பன்,தாயார் பெயர் கமலத்தாய்,மனைவிபெயர் ஆண்டம்மாள். இவர் 1763 பிப்ரவரி 12ல் பிறந்தார். 1801 மே மாதத்தில் தழிஞ்சி அரண்மனையில் தங்கியிருந்தபோது ஆங்கிலேயரின் கடுமையானதாக்குதலாலும் கடுமையான காய்ச்சலாலும் பாதிக்கப்பட்டு இறந்துள்ளார். 

மணி மண்டபம் எனும் சமூக அரங்கு

கடந்த  2021 செப்டம்பர் மாதம்  தமிழக அரசால் இரண்டு கோடியே அறுபத்தி இரண்டு லட்சத்திற்கு மணி மண்டபம் அறிவிக்கப்பட்டு  உடுமலை நகராட்சியில் தளி எத்தலப்பர் சிலையும், திருமூர்த்தி மலை  பயணியர் விடுதிக்குப்பின்புறம்  தளி எத்தலப்பர் சமூக அரங்கமும் அமைக்க தமிழக அரசால் உத்தரவிடப்பட்டு கட்டிடப்பணிகள் நடைபெற்று வருகிறது.

விடுதலை வேள்வியில்  தென் கொங்கு நாட்டில் முதல் விடுதலைப்போருக்கு வித்திட்ட மாவீரன் தளி எத்தலப்ப மன்னர். அதே போன்று   தீப கற்பக் கூட்டணிக்கு ஆதாரமாக விளங்கிய தளபதியும் தளி எத்தலப்பரே.

இந்திய விடுதலையில் 220 ஆண்டுகளுக்கு முன்பே ஆண்ட்ரோ கேதீசு எனும் ஆங்கிலேயரைத் தூக்கிலிட்டு வீரத்தைப் பறைசாற்றிய தளி எத்தலப்ப மன்னரை விடுதலை நாளில் நினைவு கூர்வோம்.