சங்க காலத்தில் வாழ்ந்த மக்கள் சரித்திரச் சான்று

 

கேள்வி : மூன் லைட்டிங்கை எப்படி கண்டுபிடிக்கிறார்கள்? எப்படி என்று கூறமுடியுமா ?

என் பதில் : 

 

ஓ .. ஓ ... ஒரு கூடை சன்லைட் ... ஒரு கூடை மூன்லைட் ... ஒன்றாக சோ்த்தா ... கலர் தானே என் ஒயிட் ... பாடலாசிரியர் பா. விஜய் எழுதிய மூன்லைட் பற்றி தானே கேக்கறீங்க ?!

நிலவொளியில் (Moonlight) கவிஞர்களுக்கு கவிதை வரும்னு தெரியும்.

 

ஆனால், இந்த Moonlighting - லே 300 பேரை வேலையை விட்டு தூக்கிட்டாங்களாமே ?

ஆபீஸ்காரங்க யாரும் நம்மளே வீட்டிலிருந்து பணி செய்வதை (Work From Home) மேற்பார்வை செய்ய கடந்த 2 வருஷமா நம்ம சொந்த ஊரு பக்கம் ...ஏன், வீட்டு வாசல் பக்கம் கூட ஒதுங்கவும் இல்லே ...

ஆனா எப்படிங்க கண்டுபிடிச்சாங்க ? வாங்க பார்ப்போம் !

Moonlighting - லே என்ன செஞ்சாங்க ? பல்லு இருக்கறவன் பக்கோடா சாப்பிட்டது போல … தில்லு இருக்கறவன் ரெட்டை மாட்டு வண்டியில் ரேக்ளா ரேஸ் போயிட்டான் ...

ஒரு நிறுவனத்தில் முழு நேர வேலையியே இருக்கும் போதே, வீட்டிலிருந்தபடியே லேப்டாப் சகிதம் .. பக்கத்திலேயே வேறொரு லேப்டாப் - ஐ வைத்துக்கொண்டு இன்னொரு போட்டி நிறுவனத்திலும் அதே நேரத்தில், வேலை செய்து தந்ததாக குற்றச்சாட்டு.

இங்கே ஒரு Conference call ... அங்கே ஒரு Conference call ... இங்கே ஒரு Client ..அங்கே வேற Client ...இங்கே ஒரு Team meeting ... அங்கே வேற ஒரு Team Meeting - னு ஒரே வைஃபை வெச்சு பிரமாதமா பேலன்ஸ் செஞ்சிகிட்டு டபுள் சம்பளத்தோட போய்கிட்டு இருந்த வேலை, இப்போ டைட்டானிக் கப்பல் போல கவுந்துடுச்சு ....

காளை மாடு ஒண்ணு கறவை மாடு ரெண்டு … அடிச்சேன் லக்கி பிரைசு ... னு lyrics மாற்றி சில குறிப்பிட்ட skillsets கொண்டோர் ... சந்தோஷமா பாடிகிட்டே ரெண்டு கம்பெனிக்கு ஒரே டைம்-லே வேலை செஞ்சு, appraisal - ல் பங்கெடுத்து, சந்தேகத்திற்கு இடமின்றி சிறப்பாக பணியாற்றி நல்ல பெயர் எடுக்கிறார், நம்ம நல்ல தம்பி !

 

யாருமே கண்டுபிடிக்க முடியாதுனு அவர் பாட்டுக்கு மாங்கு மாங்குனு வேலை செஞ்சுக்கிட்டே இருந்தார் நடுநடுவே பில்டர் காஃபி, ஸ்நேக்ஸ் சகிதம் ! வேக வேகமாக அவரு இருந்த லோன் எல்லாம் மானேஜர் அதுக்குள்ளயா குளோஸ் பண்றீங்கனு சொல்ல சொல்ல க்ளியர் செஞ்சாரு ... பெருந்தொற்றுக்கு நன்றி சொல்லிக்கிட்டே, புதுசா லோன் கூட சிலர் வாங்கினாங்க ....

புதுசா சேர்ந்த ரெண்டாவது நிறுவனத்திலும் offer letter கொடுக்கும் போதே மார்க் ஷீட், பணி அனுபவ சான்றிதழ், பாஸ்போர்ட் சைஸ் போட்டோ, ஆதார் கார்டு, இரத்த வகை, வீட்டு முகவரிக்கான ஆதாரம், மெடிக்கல் இன்சூரன்ஸ் விபரங்கள், Unified Payments Interface (UPI) ஐடி, தடுப்பூசி சர்டிபிகேட், PAN கார்டு, சம்பளம் போடுவதற்கு வங்கி சேமிப்பு கணக்கு விபரங்கள்னு சப்ஜாடா எல்லாமே HR Rule Book படி வாங்கிக்கிட்டு, background check செய்த பிறகு தான் வேலையே குடுத்தாங்க. அதானே உலக நியதி ... அதானே நியாயம் ...!

பின் அவர்களை இந்த Moonlighting சிக்கலில் கொண்டு வந்தது யாருங்க ?

அதாங்க ... மிகவும் அப்பாவியாக பின்னணியில் இருந்த வருங்கால வைப்பு நிதி பங்களிப்பு தான் எங்கப்பன் குதிருக்குள்ளே இல்லேனு அந்த moonlighting செஞ்சவங்களை தெரியாத்தனமா போட்டு குடுத்தது !

புதிதாக பணியில் சேருபவருக்கு அரசாங்கத்தின் சார்பில் ஒரு நிலையான வழிமுறை சொல்லியிருந்தாங்க .. அதாவது, வருங்கால வைப்பு நிதி பங்களிப்பை செலுத்த வேண்டிய தேதியில் தவறாமல் பணி வழங்கும் நிறுவனங்கள் remit செய்ய வேண்டும் .. இல்லேன்னா நிறுவனத்தின் மீது கடும் நடவடிக்கை எடுக்கப்படும் என்ற கட்டளை.

பெருநிறுவனங்களில் எல்லாமே பேக் - எண்டு எனப்படும் பின்தள அமைப்புகளின் கட்டமைப்பில் தானே இயங்குகின்றன. ஏற்கனவே வங்கி எண், பான் எண், ஆதார் எண் எல்லாம் ஏற்கனவே வங்கியில் ஒருங்கிணைக்கபட்டதால் இந்த Moonlighting செய்த பய புள்ளைங்களுக்கு பணியில் இருந்த அந்த இரண்டு வெவ்வேறு நிறுவனங்களுக்கு வெவ்வேறு மின்னஞ்சல் மற்றும் வெவ்வேறு வங்கி சேமிப்பு கணக்கு எண் குடுக்க முடிந்ததே தவிர இருவேறு PAN / Aadhar / UPI ID கொடுக்க முடியவில்லை.

பெரும்தொற்று வரும் முன்பே, நடப்பில் உள்ள வருங்கால வைப்பு நிதி பங்களிப்பு மென்பொருளுக்கான நிரலாக்கம் செய்தோர், நாளைக்கு ஏதும் தப்பு தண்ட வந்துடக்கூடாது … யாராவது ஷிஸ்டம் சரியில்லேனு மைக் பிடிச்சு சொல்லிடக்கூடாதுனு முறையான பாதுகாப்பை உறுதி செய்திட, ஒரே ஊழியர் பெயர் - PAN - ஆதார் எண் கொண்டவருக்கு ஏதும் duplication அல்லது multiple வைப்பு நிதி பங்களிப்பு remittance நடக்கிறதா என்று கண்காணிக்க backend - ல் ஒரு வழிமுறை வெச்சிருந்தாங்க.

அங்கே மாட்டினாரு நம்ம சின்ராசு ...

ஒரே ஆளுக்கு ஒரே காலகட்டத்தில் எதுக்கு ரெண்டு வெவ்வேறு நிறுவனங்கள் வருங்கால வைப்பு நிதி கட்டறாங்கனு பார்த்துச்சு. நோட் பண்ணுங்கப்பா … நோட் பண்ணுங்கப்பானு … லேசா அந்த முதன்மை பணி வழங்கிய நிறுவனத்தின் காதிலே "சின்ராசு ரெட்டை மாட்டு வண்டியை லாவகமாக சாட்டையை சுழற்றி ஓட்டறாருனு…" லேசா ஊதினாங்க ... அப்புறம் அவங்க பொறி வெச்சு புடிச்ச கதை உங்களுக்கு தெரியும் தானே கிங் (King) சார் !

 

சீட்டுக்கட்டு சரிந்து நொறுங்கியது ... மாட்டிக்கிட்டாங்க ...

ப்ச் ... என்ன செய்யறது ? நம்ம அரசாங்கத்தின் தரவு தள கட்டமைப்பு, முடிந்தவரை மனித தலையீடு இல்லாமல் self'driven ஆக தடையின்றி செயலாற்றும் வகையில் ஒரு சிறப்பான கட்டமைப்பு கொண்டு ஒருங்கிணைக்கப்பட்டுள்ளது.

சிறந்த தொழில்நுட்பத்தின் துணை கொண்டு மக்களை முன்னிறுத்தி சிறப்பான சேவை திட்டங்களை வழங்குவதை உறுதி செய்யும் நாடுகளில் ஒன்று நம்ம நாடு .. அதாங்க நம்ம டிஜிட்டல் இந்தியா !

சரி, Moonlighting Specialist மாட்டிக்கிட்டாங்க .. ப்ச் இப்ப என்ன பண்றது ?! எதையாவது பண்ணணுமே..

கையிலே live - ல் இருக்கும் இன்னும் 2 offer letter - ஐ எடுத்து பிடிச்ச வேலையை தேர்ந்தெடுத்து, அந்த HR க்கு ஒரு ஃபோன் போட்டு சொல்லி 3வது லேப்டாப் வாங்கி வேலையை ஆரம்பித்து வேண்டியது தான் … அஷ்டே !

ஒரு கூடை சன்லைட் ... ஒரு கூடை மூன்லைட் ... ஒன்றாக சோ்த்தா ... கலர் தானே என் ஒயிட் ... Life goes on … 🎼🎼

நன்றி ....தொடரும் பயணம் ...